Já já það er aðeins of mikið að gera þessa dagana og þá verður síðan undir í þeim slag. En ég er búinn að fara í nokkrar trialferðir með frændum mínum og er orðinn trial fíkill þetta er svo gaman .En aftur á móti hefur minna verið um enduro í staðinn en það stendur til bóta með haustinu þ.e.a.s ef maður nær einhverjum að vinum sínum með sér.

Ég var í einni af mörgum trialferðum um daginn og þá fór hjá mér pakkdós innan við vatnsdælu og það fór frostlögur inn á kassa. Ég reif draslið sundur og þá var vatnsdælu hjólið farið líka og við frekari athugun hafði bilunin byrjað þegar mótorinn í kæliviftunni fór. Ég kippti mótornum úr viftunni og sá þá að þetta var samskonar mótor og í flugmódelunum hjá þórði félaga og átti hann mótor á lager og við lóðuðum nýja mótorinn í viftustæðið og hann virkar fínt . Svo pantaði ég allt nýtt í dæluna hjá JHM sport og er í þessum töluðum orðum að raða því saman og svo er bara að fara að hjóla og nýta stutta íslenska sumarið því það  lifir ekki að eilífu. konungur þúfnanna kveður að sinni